Maria

Description

मरिया

अनुक्रम

सुरूज बुड़ गे

भांचा उपर डाहर रही

भंदई

डोरी

थपरा

रोनहा गांव म हांसी

परसू लोहार

जय समाज गंगा

कुवां

परबुधिया

तंय भर हिम्मत इन हारबे

बाजा

मरिया

सुरूज बुड़ गे

दिया बाती के समे होगे रिहिस। अंधियार और हल्ला-गुल्ला के मारे गाय गरू हड़बड़ात रिहिन। हल्ला-गुल्ला बढ़ते जात रिहिस। घर के मुंहाटी म एक झन भाई लोगन ल परत रिहिस मार। दमादम मरइया रहय सियनहिन। मार खवइया मोटियारी। मरइया डोकरी मारय कमती, गारी जादा दय, भक्क ले एक मुटका मारतिस अऊ कितिस – किसबिन, मोर रोजगार नंगाय बर आय हस रे, दूसर के बाना मारे बर आय हस रे बेसरम। नानजात, तोला मोरे गंवई मिलिस रे।

मार कुटम्मस खा के मोटियारी हा मुंड़ ल गड़िया दिस। रो रो के किहिस-मोर दसो अंगरी के बिने हे मंहतारी। दाई तास मार चाहे बचा। तोर कोरा म नई समाहूं त कहां जाहूं। अइसे कहिके बपरी बोम फार के रो तोडारिस। रोवत देखित त मरइया डोकरी थर्रा गे। मोटियारी रोते रोवत किहिस घर छोड़के भागे हन माताराम, बेटा बाहिर म बइठे हे। उहू ल तो पूछ लव।

मरइया डोकरी यहा तरा मार खाके गुरतुर बोली बोलइया छोकरी डाहर देखिस। टुरी बोटिबिटागे राहय। डोकरी अकबका गे। थोरूक लजा घलो गे। लाज मरत बाहिर अइस। बाहिर आके लगिस गारी दे बर। किहिस – कौन अच रे मुड़ गिड़ा टूरा, बने हस घरवाला डौका त मुंह ला काबर लुकावत हस रे बेर्रा। तोर डौकी ल मय ठठावत हंव अऊ तंय सुकुड़दुम इहां लुकाय हस। करनी करइया बांच गे, फइरका ओधइया के नाम। कहां हस रे।

Additional information